حبة الملوك حبة سامه ولكن تجربتي اثبتت عكس كده

المواضيع الي اتكلمت عن حبة الملوك قليله جدا ومافيش اي كلام علمي دقيق عليها فلما قررت اجربها مالقتش معلومات كافيه غير بعض التحذيرات من كونها حبه سامه

حبة الملوك تستخدم كمسهل قوي ف حالات الامساك الشديد
وتستخدم للتخسيس
وتستخدم كمطهر للامعاء ولاخراج السحر




وتقريبا معظم الموضوعات كانت بتقول ان حبة الملوك هي نفسها حبة الخروع وعشان السبب ده انا كنت قلقانه اني اجربها

لان حبة الخروع يقال ان حبه واحده منها كفيله لتأخير الحمل عام كامل طبعا مافيش تأكيد او اثبات علمي ع الكلام ده برده ولكن تجربة ناس كتير ليها اثبتت كده

المهم حبة الملوك كل الي اتقال عنها انها سامه لو بلعتي الحبه سليمه
لكن الطريقه الصح انها تقشر وتحت القشره البني موجود قشره بيضه رقيقه شفافه لازم تتشال لان هي دي الجزء السام فيها وبعدين تحمص حبة الملوك وتتطحن وتوضع ف اي مشروب ساخن

وكان مافيش غير تجربتين
واحده قالت انها جربتها لكن حطتها مع زبادي و حصلها اسهال شديد جدا طول الليل وظهر عليها اعراض تسمم وزجها نقلها للمستشفي

والتجربه التانيه لشاب قال انه جربها ولكن بلع الحبه كامله وكانت النتيجه اسهال شديد وقئ ونقل للمستشفي بعد عدة ساعات

انا الفضول كان هيموتني وروحت للعطار وسألته وشفت حبة الملوك وكمان حبة الخروع وكانوا حبتين مختلفين الحمدلله

فقررت اجرب حبة الملوك وبالفعل جبتها ونزعت القشره وبلعت الحبه كامله
والنتيجه اني ماحصليش اي شئ ولا اسهال ولا قئ ولا اي اعراض

بعدها بيومين قررت اني اجربها تاني وبالفعل جربتها لكن المره دي نزعت القشره وحمصتها وطحنتها ووضعتها ف وعاء من الشوربه السخنه وشربتها

بعد عشر دقايق بالظبط اصابني مغص شديد جدا واسهال فظيييييييييييع لمدة اربع ساعات وراح مفعولها ورجعت طبيعيه

وجربتها تاني وتالت بس كان بيظهر نفس الاعراض بدون مغص لكن مافيش تسمم ولا مستشفي ولا حاجه