تفتيح البشره

انا من الناس الي بتهتم بالماسكات لكن للاسف معظم الماسكات الي بنجيبها من ع النت بتبقي مش مجربه وكتير بتقي غلط ع البشره 

عشان كده انا قررت اجمع كل الماسكات الي انا جربتها شخصيا وعجبتني عشان اقدر افيد اي واحده بتهتم بالحاجات دي زيي 

اولا : العسل والليمون 
معلقة عسل + معلقة عصير ليمون وممكن تضيفي حليب كمان حسب رغبتك

واخلطيهم ببعض وحطي الخليط ع وشك لمدة 15 دقيقة 

ثانيا : الطحينه 
معلقتين طحينه + معلقتين مسحوق كركم + حليب 
ضعيهم لمدة 15 دقيقه ثم افركيه واغسلي وشك  

ثالثا : الخيار والليمون 
 معلقة عصير خيار + معلقة عصير ليمون 
ويترك لمدة 15 دقيقه 

رابعا : الطماطم 
معلقتين من الدقيق + معلقتين عصير طماطم
ويترك لمدة 20 دقيقه

خامسا : الخميره واللبن
معلقتين لبن + معلقة خميره 
ويترك لمدة 15 دقيقه وتغسلي وشك وترجعي تحطي معلقة لبن بدون خميره مره اخري ع وشك لمدة 5 دقايق

سادسا : الزبادي 
معلقة زبادي + معلقة عسل 
وحطيهم لمدة 20 دقيقه

سابعا : البرتقال 
دا الماسك المفضل عندي ..
تجيبي برتقاله وتتركيها تنشف او هاتيها ناشفه من عند العطار 
وتطحنيها وتاخدي منها معلقه مطحونه + ماء ورد ليصبح عجينه 
وتحطيه ع وشك لمدة 30 دقيقه 

ثامنا : العسل والدقيق 
يسمي ماسك الملكات
معلقة عسل + معلقة دقيق + معلقة زبادي 
واخلطيهم وحطيهم ع وشك لمدة 20 دقيقه

دي الماسكات الي انا جربتها ونتيجتها مضمونه واي تجربه تانيه هبقي اضيفها ان شاء الله